БМТ комиссияси Сурияда 2016 йил сентябрида гуманитар конвойга уюштирилган ҳужум юзасидан олиб борган текширув натижаларини ўз ичига олган ҳисобот Пан Ги Мунга топширилди. Бу ҳақда халқаро ташкилот матбуот хизмати маълум қилди, дея хабар бермоқда «ТАСС».
«Бош котиб мазкур ҳужжатни яқин кунларда диққат билан ўрганиб чиқади. Биз ушбу ҳодиса қурбонлари ва уларнинг муҳтожларга ёрдам бериш мақсадида ҳар куни ҳаётини хавф остига қўяётган жасур ҳамкасблари учун ҳам нима бўлганини аниқлашимиз зарур. Фақат шундай йўл билан фожиадан хулоса чиқариш ва унинг қайтарилишини олдини олиш мумкин», — дейилади матбуот хизмати хабарида.
Маълумот учун, Алеппо яқинида 20 сентябрга ўтар кечаси амалга оширилган гуманитар конвойга ҳужум оқибатида юкларни тушираётган 20 нафар тинч аҳоли вакили ва Сурия Қизил Ярим ой жамияти ходими ҳалок бўлди. Ғарб бунинг учун жавобгарликни Сурия ҳукумати кучлари ва Россия авиациясига юклади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)