BMT komissiyasi Suriyada 2016-yil sentabrida gumanitar konvoyga uyushtirilgan hujum yuzasidan olib borgan tekshiruv natijalarini o‘z ichiga olgan hisobot Pan Gi Munga topshirildi. Bu haqda xalqaro tashkilot matbuot xizmati ma’lum qildi, deya xabar bermoqda “TASS”.
“Bosh kotib mazkur hujjatni yaqin kunlarda diqqat bilan o‘rganib chiqadi. Biz ushbu hodisa qurbonlari va ularning muhtojlarga yordam berish maqsadida har kuni hayotini xavf ostiga qo‘yayotgan jasur hamkasblari uchun ham nima bo‘lganini aniqlashimiz zarur. Faqat shunday yo‘l bilan fojiadan xulosa chiqarish va uning qaytarilishini oldini olish mumkin”, — deyiladi matbuot xizmati xabarida.
Ma’lumot uchun, Aleppo yaqinida 20-sentabrga o‘tar kechasi amalga oshirilgan gumanitar konvoyga hujum oqibatida yuklarni tushirayotgan 20 nafar tinch aholi vakili va Suriya Qizil Yarim oy jamiyati xodimi halok bo‘ldi. G‘arb buning uchun javobgarlikni Suriya hukumati kuchlari va Rossiya aviatsiyasiga yukladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)