Евроиттифоқ мамлакатлари етакчилари Россияга қарши санкцияларни яна олти ойга узайтириш ҳақида қарор қабул қилди, деб ёзади «Интерфакс». Бу ҳақда европалик дипломатик манбалар журналистларга Брюсселда маълум қилди.
Бундай қарорни улар Брюсселдаги Евроиттифоқ саммитида қабул қилди. Санкцияларни узайтириш ҳақидаги расмий қарор келаси ҳафта бошида тасдиқланиши кутилмоқда.
Европа иттифоқи 15 декабрь куни Франция президенти Франсуа Олланд ва Германия канцлери Ангела Меркелнинг таклифига биноан Россияга нисбатан иқтисодий санкциялар муддатини узайтириш ҳақида қарор қабул қилиши кутилган эди.
Евроиттифоқ саммити арафасида Меркель Россияга қарши санкцияларни яна бир марта узайтириш зарурияти ҳақида маълум қилган эди. Ўз навбатида, Олланд Минск келишувлари бўйича прогресс бўлмас экан, санкциялар узайтирилишда давом этишини таъкидлади.
Россияга қарши киритилган санкциялар 2017 йил январи охиригача амал қилади.
Изоҳ (0)