Дубай амирлиги полиция ходимаси сайёҳ аэропортда унутиб қолдирган ҳамёндан пул ўғирлагани учун 3 ой қамоқ жазосига ҳукм қилинди. Бу ҳақда UAE Inside хабар бермоқда.
Ҳодиса полиция ходимаси аэропортни одатий тарзда кўздан кечираётганда содир бўлди. Унинг вазифаси йўловчиларни кузатиш ва шубҳали шахслар ҳақида хабар беришдан иборат эди.
Йўловчилардан бири аэропортда ҳамёнини унутиб қолдирди. Полициячи буни пайқади, бироқ эгасига қайтариш ўрнига ичидаги долларларни олиб, ҳамённи йўқотилган буюмларни сақлаш камерасига жойлаштирди.
Пулларни у аэропортнинг ўзидаги шохобчада алмаштирди. Бироқ барча ҳаракатлари кузатув камерасига ёзилаётгани ва полициянинг бошқа ходимлари томонидан текширилишини хаёлига ҳам келтирмаганди.
Полиция ходимаси ҳамкасблари олдида ўғрилик қилганини тан олди, бироқ судда сукут сақлашни афзал кўрди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)