АҚШ президенти Барак Обама телефон суҳбати чоғида туркиялик ҳамкасби Ражаб Тоййиб Эрдўғонга Алеппода ярашувга эришишда ҳамкорлик кўрсатгани учун миннатдорлик билдирди, шунингдек, Истанбулда яқинда бўлиб ўтган теракт муносабати билан ҳамдардлик изҳор этди, деб ёзади «Интерфакс».
Оқ уй сайтига жойланган хабарда айтилишича, иккала етакчи бутун Сурия бўйлаб жанговар ҳаракатлар тўхтатилиши ва низонинг сиёсий йўл билан тартибга солинишига эришиш зарурлиги ҳақида келишиб олди.
Бундан ташқари, Обама ва Эрдўғон Ироқ ва Сурияда ИШИДга қарши кураш бўйича АҚШ раҳбарлигидаги халқаро коалиция ишини муҳокама қилди ва мамлакатлар ўртасидаги яқин координациянинг аҳамиятини қайд этди.
Изоҳ (0)