Араб давлатлари лигаси (АДЛ) Қоҳирадаги коптлар ибодатхонасида содир этилган портлашни қоралайди ва Миср халқининг террорчиликка қарши курашида якдил эканини билдиради. Бу ҳақда 12 декабрь, якшанба куни ташкилот бош котиби Аҳмад Абу ал-Гайт маълум қилди, дея хабар беради «ТАСС».
«АДЛ Қоҳирадаги ‘Ал-Бутросия’ черковида рўй берган ва ўнлаб бегуноҳ мисрликлар, полициячилар ва ҳарбийларни ҳаётдан олиб кетган портлашни кескин қоралайди. Террор билан мардонавор кураш олиб бораётган Миср, шунингдек, бу бало билан тўқнаш келаётган ва фуқароларининг қони тўкилаётган барча араб давлатлари билан якдил эканлигимизни тасдиқлаймиз», — дея таъкидлади бош котиб.
Мисрда 26 кишининг умрига зомин бўлган теракт қурбонлари хотирасига уч кунлик миллий мотам эълон қилинди. Мамлакатда хавфсизлик чоралари энг юқори даражага кўтарилган, барча христиан ибодатхоналари кучайтирилган тарзда қўриқланмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.