Мичиган штатининг шарқий округ суди АҚШдаги президентлик сайловида берилган овозларни қайта ҳисоблаб чиқишни бошлашга рухсат берди. Судья Марк Голдсмит 5 декабрь, душанба куни Тошкент вақти билан 11:00 да шундай қарор қабул қилди, дея хабар беради «ТАСС».
Судья Мичиганда овозларни қайтадан ҳисоблаб чиқиш бугун куннинг иккинчи ярмида бошланиши мумкинлигини билдирди ва шу тариқа штат сайлов комиссиясининг бундан аввал икки кун танаффус кераклиги, жараённи чоршанба куни эрталаб бошлаш зарурлиги ҳақидаги далилини рад этди.
Суд қарори овозларни қайта ҳисоблашни 13 декабргача тамомлаш имконини оширади. Айнан шу кунгача мазкур қайта ҳисоблаш натижалари устидан судга шикоят қилиш мумкин.
Ўз навбатида, сайлов натижаларини текшириш ташаббуси билан чиқаётган «яшиллар» партиясидан АҚШ президентлигига собиқ номзод Жилл Стайн судга Пенсильванияда овозларни қайта ҳисоблаш бўйича янги даъво билан мурожаат этишини маълум қилди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)