Суриянинг Алеппо шаҳрида шарқий даҳаларни ўз қўли остида тутиб турган қуролли босқинчилик гуруҳлари ҳукумат армияси вакиллари билан таслим бўлиш шартлари ҳақида махфий музокаралар олиб бормоқда. Бу ҳақда мамлакат ҳукуматига яқин бўлган «Ал-Ватан» газетаси ўз манбаларига таяниб хабар берди, деб ёзади «РИА Новости».
Нашр таъкидлашича, ҳарбийлар шаҳарнинг шарқий қисмида кетма-кет ишончли ғалабага эришгач, радикал гуруҳлар қўшинида зиддиятлар юзага келган. Жангарилар аввалроқ мегаполиснинг ўз назоратлари остидаги туманларини ўз ихтиёри билан тарк этишдан бош тортган бўлишига қарамай, уларнинг кўпчилиги ҳукумат ультиматумини қабул қилишга мойил бўлиб турибди.
«Оғир жудоликлар фонида жангарилар бир-бирини айбламоқда, баъзилари эса Сурия армияси билан ўз мақомини қонунийлаштириш ва Алеппонинг шарқий даҳаларидан шаҳар ғарбидаги ҳукумат қўшинлари назорати остидаги туманларга чиқиш имконияти ҳақида яширин тарзда музокаралар олиб бормоқда», — деб ёзади «Ал-Ватан».
Хабарда айтилишича, ноқонуний гуруҳлар қўлида 2012 йилда шаҳарнинг шарқий қисмига қилинган ҳужумда ўзлари қўлга киритган майдоннинг 35 фоиздан камроғи қолмоқда.
Изоҳ (0)