Италия бош вазири Маттео Ренци 5 декабрь, душанба куни истеъфо беради. Бу ҳақда у конституциявий референдумдаги мағлубиятдан сўнг ҳукуматнинг Кижи саройидаги чиқиши чоғида маълум қилди, дея хабар беради «ТАСС».
«Бугун республика президентига истеъфо ҳақидаги ариза билан мурожаат этаман. Мен ютқаздим. Италия сиёсатида ҳеч ким ютмайди. Шу билан бирга, ютқазмайди ҳам. Мен сизларга ғалаба олиб келолмадим ва мағлубият учун жавобгарлигимни тан оламан», — дея таъкидлади Ренци.
Экзит-пол натижаларига кўра, миллий парламент ислоҳ қилинишига овоз беришда иштирок этганларнинг 60 фоизга яқини қарши чиқди, 40 фоиздан ошиқ бўлмагани қўллаб-қувватлади.
Мухолифат Ренци ҳукумати томонидан таклиф этилган парламент юқори палатаси — сенат ваколатларини ўзгартиришга қарши чиққан ва бошидаёқ сайловчилар ҳам буни ёқламаса, бош вазир истеъфо беришини талаб қилганди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)