Brent нефти нархи баррелига 52,41 долларгача ошди

30 ноябрь куни нефть қазиб чиқарувчи мамлакатларнинг Венадаги учрашуви якунлари фонида тўққиз ой ичидаги энг максимал ўсишни намоён қилган нефть нархлари 1 декабрь, пайшанба куни ўсишда яна давом этмоқда, деб ёзади «Интерфакс».

Brent нефтининг февраль фьючерслари нархи Лондоннинг ICE Futures биржасида Тошкент вақти билан 10:25 га келиб, 0,57 долларга (1,1%) ошди ва баррелига 52,41 долларни ташкил қилди.

WTI нефтининг январдаги фьючерслари нархи Нью-Йорк товар биржаси электрон савдоларида бу вақтга келиб, 0,56 долларга (0,93%) — баррелига 49,9 долларгача ошди.

Нашр эслатишича, ОПЕК мамлакатлари 30 ноябрь кунги учрашувда сўнгги 8 йил ичида биринчи марта нефть қазиб олиш ҳажмини суткасига жами 1,2 миллион баррелга камайтиришга келишиб олди.