1 декабрь, пайшанба куни АҚШда федерал жиноий-процессуал ҳуқуққа 41-модда кўринишида киритилган тузатиш кучга киради, деб ёзади TJournal. Унга кўра судлар Федерал қидирув бюросига нафақат ўз юрисдикциясида, балки ҳар қандай юрисдикцияда компьютерларга бузиб кириш учун ордерлар бериши мумкин.
Ярим йил давомида демократ сенаторлардан бири — Рон Вайден тузатиш қабул қилинишига уч марта тўсқинлик қилишга уринди, аммо бу иш бермади: унинг уринишлари бошқа нуфузли республикачи сенатор — Жон Корнин томонидан блоклаб қўйилди.
Вайден тузатишни «йиллар бўйи кузатувдан фойдаланиш сиёсатидаги энг катта хатолардан бири» деб атади. У тузатишнинг қабул қилиниши республикачи президент Дональд Трамп қўлида айниқса хавфли омилга айланишидан хавфсиради, ахир Трамп Россия каби ўз мухолифларига хакерлик ҳужумларини уюштириш нияти ҳақида очиқдан-очиқ эълон қилган эди.
Янги киритилган тузатиш ФҚБга АҚШнинг ҳар қандай судига мурожаат қилиш орқали дунёнинг ҳар қандай нуқтасидаги исталган компьютерга бузиб кириш учун расмий рухсатнома олиш имконини беради.
Изоҳ (0)