Хитойнинг Wuchang Shipbuilding Industry Group кемасозлик компанияси 1912 йилда шимолий Атлантикада чўкиб кетган «Титаник» пароходининг нусхасини қуришни бошлади, деб ёзади «ТАСС».
«Синьхуа» агентлиги хабарига кўра, лойиҳага киритилган инвестициялар 1 миллиард юан (145 миллион доллар)ни ташкил қилади.
Кемасозлик компанияси бош директори ўринбосари Ван Вейлин маълум қилишича, кема асл «Титаник»нинг тўлиқ нусхасига айланади. Унинг узунлиги 269 метр, эни эса 29 метрни ташкил этади. Аммо у ҳақиқийсидан фарқли тарзда бирорта ҳам рейсни амалга оширмайди, балки Сичуань провинциясидаги Даин уездида сув ҳавзаларидан бирида доимий тўхтаб туради. Лойиҳа муаллифлари ғоясига кўра, янги «Титаник» минтақада сайёҳлик аттракционларидан бирига айланиши керак.
Ички интерьери ҳам кеманинг шоҳона ташқи қиёфасига мос бўлади: кемасозлар ва дизайнерлар асл «Титаник»даги ҳар битта детални қайтадан яратмоқчи.
Изоҳ (0)