Россиялик таниқли саёҳатчи Фёдор Конюхов иссиқлик аэростати (ҳаво шари) учун янги баландлик рекордини ўрнатиш мақсадида стратосферага парвоз учун старт майдони сифатида Ёқутистонни танлади. Бу ҳақда республика раҳбари Егор Борисовнинг расмий сайтига таяниб, «Интерфакс» хабар берди.
«Ҳиндистонлик Вижайпат Синганья эришган натижани яхшилаш учун (у 21 027 метрга кўтарилган), камида 21 658 метргача кўтарилиш керак бўлади. Аммо беш марта дунё бўйлаб саёҳат қилган ва барча қутбларни забт этган Фёдор Конюхов 25 минг метр баландликка етишга ҳаракат қилмоқчи», — дейилади хабарда.
Конюховнинг фикрича, Ёқутистоннинг табиий шароитлари муваффақиятли старт учун оптималдир. Парвоз 2017 йилнинг август сентябрига мўлжалланган.
Эслатиб ўтамиз, аввалроқ россиялик саёҳатчи Фёдор Конюхов ҳаво шарида дунё бўйлаб саёҳат бўйича дунё рекордини янгилаган, бунинг учун унга 11 кун керак бўлган эди.
Изоҳ (0)