Халқаро олимпия қўмитаси (ХОҚ) тақиқланган препаратлар қабул қилгани учун қозоғистонлик Илья Ильинни Пекин–2008 ва Лондон–2012 Олимпия ўйинларида қўлга киритган олтин медалларидан маҳрум қилди. Бу ҳақда Қозоғистон Миллий олимпия қўмитасига таяниб, «ТАСС» хабар бермоқда.
ХОҚ Интизом қўмитаси спортчининг «А» ва «Б» намуналарини ўрганиб чиқди ва унинг натижаларини бекор қилишга қарор қилди. Ильин қанча муддатга дисквалификация қилиниши Халқаро оғир атлетика федерацияси (IWF) томонидан ҳал қилинади.
Қайд этиш жоиз, қозоғистонлик спортчи допинг можароси туфайли Рио–2016 Олимпия ўйинларини ўтказиб юборган эди.
Илгарироқ ХОҚ Пекин–2008 Олимпиадасида совриндор бўлган 4 нафар қозоғистонлик спортчининг натижасини бекор қилгани ҳақида хабар қилинганди.
Изоҳ (0)