Германия Федерал разведка хизмати (BND) собиқ раҳбари Герхард Шиндлер (ушбу лавозимни 2011 йил декабридан 2016 йил апрелигача эгаллаган) АҚШ Миллий хавфсизлик агентлиги собиқ информатори Эдвард Сноуденнинг Германия олдидаги хизматларини тан олишдан бош тортди, деб ёзади «ТАСС». Бундай фикрни муассаса собиқ раҳбари Berliner Zeitung газетасига берган интервьюсида айтиб ўтди.
Нашр журналистининг Сноуден фош қилган ахборотларсиз BND ишидаги хатоликлар маълум бўлмаган бўлиши ҳақидаги тахминига жавобан Шиндлер шундай деди: «Мен бундай ўйламайман. Ҳали Сноуденгача биз техник разведкамиз фаолиятини текширишга қарор қилган эдик. Ишончим комил, ўшанда биз ҳаммасини билиб олган бўлардик».
Унинг сўзларига кўра, Европа «яққол тарзда қонунни бузган» Россия каби унга бошпана таклиф қилмаслиги керак.
Нашр эслатишича, 2013 йилда Германиянинг Spiegel нашри Сноуден фош қилган ҳужжатларни чоп этгач, Америка разведкаси кўп йиллар давомида Европадаги минглаб нишонларни кузатгани, Германия фуқароларини тинглагани ва ҳатто, бир неча марта канцлер Ангела Меркелнинг телефонини яширинча тинглагани маълум бўлган эди.
Изоҳ (0)