Бир неча кун аввал унаштирилгани маълум бўлган актриса Шаҳзода Матчонова журналист Бахтиёр Тўрахонов билан «19:09» кўрсатувида суҳбатда бўлиб, бўлажак тўйи, турмуш йўлини боғлаш учун танлаган инсони ҳамда бахт кўйлаги ҳақидаги саволларга жавоб қайтарди. Бу ҳақда «Даракчи.uz» хабар бермоқда.
«Турмуш қуриш қарорига кеча ёки бугун келганим йўқ. Мен бу ҳақда анча вақт ўйладим ва ўзимни бунга тайёр ҳис қилганимдагина ушбу жиддий қарорни қабул қилдим. Турмуш ўртоғимни фақатгина оила аъзоларим ва яқинларим танийди. Унинг шоу-бизнесга, менинг ишимга алоқадор жойи йўқ, у санъатнинг бошқа тури билан шуғулланувчи оддий инсон. Танлаган либосимга келсак, авваллари бу ҳақда ўйлаганимда, минимализмни, яъни кўйлагимнинг бежирим бўлишини истаган эдим, танловга келганда эса акси бўлди. Мен ўз дидимга мос бўлмаган либосда танловимни тўхтатдим. Ҳашамдор либосни танладим, у тошлар ва бошқа безаклар билан безатилган. Аслида гап кўйлакда ҳам эмас, асосийси инсоннинг юзида бахт бўлсин! Ҳар қандай келин бахт оқшомида гўзал бўлади», – деди Шаҳзода Матчонова.
Хабарда қайд этилишича, Шаҳзода Матчонованинг висол оқшоми 2016 йилнинг 25 ноябрь куни Тошкентдаги ресторанларидан бирида бўлиб ўтади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)