Голливуд актрисаси Мэрилин Монро (1926—1962) АҚШнинг 35-президенти Жон Кеннеди (1917—1963)нинг туғилган куни тантаналарида кийиб қўшиқ айтган кўйлаги Лос-Анжелесдаги аукционда 4,8 миллион долларга сотилди, деб ёзади «ТАСС».
Бунда гап франциялик дизайнер Жан Луи буюртма асосида тиккан, ялтироқ тангачалар билан безатилган ярим шаффоф кўйлак ҳақида бормоқда. Уни Монро Кеннедининг 45 ёшига бағишлаб, 1962 йил 19 май куни Нью-Йоркнинг Мэдисон-сквер-гарден залида ўтказилган тантаналарда кийган эди. Актриса 15 минг кишилик аудитория қаршисида «Happy Birthday to You» қўшиғини куйлаганди. Лотнинг дастлабки баҳоси 3 миллион долларни ташкил қилди.
Уч кун давом этадиган киошди савдосида актрисага тегишли бошқа кийим-кечаклар ва буюмлар ҳам сотувга қўйилган.
Изоҳ (0)