Жон Леннон томонидан The Beatles гуруҳи тарқалиб кетганидан сўнг Пол Маккартнига йўлланган ғазабли руҳдаги мактуб кимошди савдосида 30 минг долларга сотилди. Уни далласлик номи ошкор этилмаган коллекциячи харид қилди, деб хабар бермоқда «РБК».
Мактуб ёзув машинкасида ёзилган ва муаллиф томонидан қўлда ўзгартириш киритилган икки варақ матндан иборат. Унда Леннон Маккартнилар жуфтлиги, шунингдек, бошқа «меҳрибон ва худбин бўлмаган дўстларнинг» у ва хотини Йоко Онога муносабатидан норозилик билдирган.
Леннон ушбу хатни 1971 йилда, хонанда гуруҳдан кетишини ошкора эълон қилмаганидан аччиқланган Пол Маккартнининг турмуш ўртоғи Линда битган мактубга жавобан ёзгани тахмин қилинади.
Изоҳ (0)