Дональд Трамп «Трамп университети» (Trump University) иши бўйича 25 миллион долларлик учта суд даъвосини қондиришга рози бўлди, деб ёзади «Интерфакс». АҚШнинг янги сайланган президенти семинарлар ва дарсларга 35 минг доллар тўлаган собиқ талабаларга қарши жавобгар сифатида чиқди.
Аввалроқ Трамп даъволарни қондирмаслигини бир неча марта таъкидлаб ўтган эди. Нью-Йорк бош прокурори Эрик Шнейдермен сайланган президентнинг қарори даъвогарлар учун «ҳайратомуз» ва «катта ғалаба» бўлганини айтди.
Май ойида ўша вақтда АҚШ президентлигига номзод бўлган Дональд Трамп сайловдан сўнг, 28 ноябрь куни суд олдида гувоҳлик кўрсатмаларини бериши айтилган эди. Гап шундаки, Трамп ва унга тегишли, фаолияти тўхтатилган Trump University олийгоҳи бир гуруҳ даъвогарлар томонидан одамларни алдашда айбланган эди.
Изоҳ (0)