Donald Tramp “Tramp universiteti” (Trump University) ishi bo‘yicha 25 million dollarlik uchta sud da’vosini qondirishga rozi bo‘ldi, deb yozadi “Interfaks”. AQShning yangi saylangan prezidenti seminarlar va darslarga 35 ming dollar to‘lagan sobiq talabalarga qarshi javobgar sifatida chiqdi.
Avvalroq Tramp da’volarni qondirmasligini bir necha marta ta’kidlab o‘tgan edi. Nyu-York bosh prokurori Erik Shneydermen saylangan prezidentning qarori da’vogarlar uchun “hayratomuz” va “katta g‘alaba” bo‘lganini aytdi.
May oyida o‘sha vaqtda AQSh prezidentligiga nomzod bo‘lgan Donald Tramp saylovdan so‘ng, 28-noyabr kuni sud oldida guvohlik ko‘rsatmalarini berishi aytilgan edi. Gap shundaki, Tramp va unga tegishli, faoliyati to‘xtatilgan Trump University oliygohi bir guruh da’vogarlar tomonidan odamlarni aldashda ayblangan edi.
Izoh (0)