АҚШнинг янги сайланган президенти Дональд Трамп АҚШ Марказий разведка бошқармаси директори лавозимига илгари сурган консерватив республикачи конгрессмен Майкл Помпео диссидент (бошқача фикрловчи, маслак-мақсади бошқа одам)ларни қатл қилишни мақбул деб ҳисоблайди. Бу ҳақда Эдвард Сноуден Ослода халқаро ПЕН-клубнинг Норвегиядаги бўлинмаси таклифи билан видеоалоқа орқали сўзлаган нутқида айтиб ўтди, деб ёзади «ТАСС».
«Бугун янгиликларда МРБнинг янги директори мен каби диссидентларни ўлим жазосига маҳкум этиш керак, деб ҳисоблайдиган одам бўлишини айтишди, — деди АҚШ махсус хизматлари собиқ ходими. — Бундай одамлар кимдир ҳукуматга қарши бўлган вазиятни ҳал қилишда бу мос чора деб ҳисоблайди».
Сноуден Помпео 2016 йил февралида телефирда айтган гапларига ишора қилмоқда. Ўшанда у Сноуденни хоин деб атаган ва унга мос жазо қатл бўлишини айтган эди.
Изоҳ (0)