Корея Республикаси КХДР етакчисининг синглиси Ким Ё Чжонга нисбатан шахсий санкциялар киритиш имкониятини кўриб чиқмоқда, деб ёзади «ТАСС». Бу ҳақда Сеулда 7 ноябрь, душанба кунги брифингда Жанубий Корея Бирлашув вазирлиги расмий вакили Чон Чжун Хи маълум қилди.
У айни пайтда аниқ тафсилотлар ҳақида гапиришга ҳали эрта эканлигини таъкидлади.
Сентябрь ойида Пхеньян шу йилдаги иккинчи ядро синовини ўтказгач, БМТ Хавфсизлик кенгаши КХДРга қарши санкцияларни кучайтирувчи янги резолюцияни ишлаб чиқишга киришди. Жанубий Корея ҳам Шимолга нисбатан бир томонлама тартибда қўшимча чеклов чораларини қўллаш ниятини маълум қилди.
Ким Чен Иннинг синглиси 1987 йилда туғилган. КХДР ОАВларига кўра, у Корея Меҳнат партияси Марказий қўмитаси бўлим бошлиғи ўринбосари бўлиб ишлайди. У акаси билан яқин алоқада бўлиб, партия иерархиясида катта ўринга эга.
Изоҳ (0)