Украинанинг Одесса вилояти раҳбари, собиқ Грузия президенти Михаил Саакашвили махсус брифинг чоғида истеъфога чиқишини маълум қилди. Бу ҳақда «Корреспондент.net» хабар бермоқда.
У президент Пётр Порошенко Одессадаги икки гуруҳни қўллаб-қувватлашини айтиб ўтди.
«Вилоят шунчаки порахўрларга эмас, Украина душманларига топшириб қўйилмоқда», — таъкидлади Саакашвили.
«Одесса вилоятида президент иккита гуруҳни шахсан қўллаб-қувватлайди. Бу 90 йиллар қотилларининг Труханов жиноий, криминал гуруҳи ва Урбанскийнинг коррупцион гуруҳи. Вилоятда бутун ҳокимият шу икки гуруҳ ва уларнинг иттифоқчилари — Антон Киссенинг ‘Ўлкамиз’ гуруҳи айирмачиларига топширилган», — қўшимча қилди у.
Бугун, 7 ноябрь куни Саакашвилининг елкадоши, Одесса полицияси раҳбари генерал Георги Лорткипанидзе ҳам истеъфога чиққани маълум бўлди.
Изоҳ (0)