Чеченистон раҳбари Рамзан Қодиров Туркияда чечен жангариларининг 3 нафар етакчиси қўлга олинганини маълум қилди. Бу ҳақда «РБК» хабар бермоқда.
Рамзан Қодиров Туркия президенти Ражаб Тоййиб Эрдўғонга жангариларни топшириш илтимоси билан мурожаат этди. Чеченистон раҳбарининг фикрича, бу нафақат уларни жиноий жавобгарликка тортиш, балки Туркияда барқарорликни таъминлаш учун ҳам зарур.
Гап Махран Саидов, Асланбек Вадалов ва Тархан Газиев ҳақида кетмоқда. Қодировга кўра, уларнинг ҳар бири кўплаб терактларни уюштирган ва амалга оширган.
Жумладан, Газиев Россия бош вазирининг ўринбосари Валентин Власовнинг ўғирланиши ва полициячилар ўлими, Вадалов 10 нафар полициячи ва 3 нафар фуқаро, Саидов эса 20 нафардан ортиқ одамнинг ўлдирилиши ва бошқа оғир жиноятларга алоқадор.
Изоҳ (0)