Клинтон оиласи фонди (Clinton Foundation) қоидаларга хилоф равишда Қатар расмийларидан 1 миллион доллар олинганини тасдиқлади. Бу ҳақда «ТАСС» хабар бермоқда.
Қатар вакиллари 1 миллион доллар учун чекни Билл Клинтонга 65 ёшга тўлиши муносабати билан шахсан топшириш ниятида бўлган. Фонднинг расмий вакили Брайан Кукстранинг Reuters агентлигига билдиришича, ушбу маблағ жамғарма томонидан олинган. У Қатар мансабдорлари Билл Клинтон билан учрашган ёки йўқлигига аниқлик киритмади.
АҚШ Давлат департаменти, ўз навбатида, фонд пуллар олингани ҳақида огоҳлантирмаганини билдирди. Маълумотларга кўра, Қатар Clinton Foundation учун охирги йилларда жами 1 дан 5 миллион долларгача хайрия қилган.
Изоҳ (0)