Ироқнинг ИШИД назоратида бўлган шимолий қисмидан қочган камида 17 киши 4 ноябрь, жума куни йўлга қўйилган портловчи қурилмалар ҳаракатга келиши оқибатида ҳалок бўлди. Бу ҳақда Ироқ полициясига таяниб, «ТАСС» хабар бермоқда.
Ички қочоқлар колоннаси Мосул шаҳридан 120 километр жануб томондаги йўлда кетаётганди. Йўл четидаги мина портлаши туфайли ичида одамлар бўлган юк машинаси буткул йўқ бўлиб кетди.
Колоннани кузатиб борган полициячи ҳам ҳалок бўлгани билдирилмоқда.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)