Индонезия президенти Жоко Видодонинг 6—7 ноябрь кунларига режалаштирилган Австралияга ташрифи мамлакат пойтахтидаги тартибсизликлар сабабли қолдирилди. Бу ҳақда «ТАСС» хабар бермоқда.
Жакартадаги, турли ҳисоб-китобларга кўра, 50 мингдан 200 минггача одам қатнашган норозилик намойиши пойтахт губернатори Басуки Чахая Пурнамага қарши қаратилганди. Келиб чиқиши хитойлик, дини насронийлик бўлган мансабдор исломга нисбатан таҳқиромуз фикр билдиришда айбланди.
Мамлакат ОАВларига кўра, 5 ноябрь, шанба куни пойтахтдаги вазият изга тушди, жамоат транспорти иши тўлиқ тикланди. Президент Видодо губернаторнинг айтганлари «тезда ва синчиклаб ўрганилиши»ни ваъда қилди.
Маълумот учун, аҳолиси 250 миллион киши бўлган Индонезия фуқароларининг 88 фоизи ислом динига эътиқод қилади.
Изоҳ (0)