Афғонистон шарқидаги Бати-Кот тумани раҳбари автомобили 5 ноябрь, шанба куни минага дуч келиб, портлаб кетди. Бунинг оқибатида бир киши ҳалок бўлди, икки киши жароҳатланди, дея хабар беради «ТАСС».
Мансабдорнинг матбуот котибига кўра, туман раҳбари хизматга кетаётганида йўл четида бомба портлади. Автомобиль ҳайдовчиси ҳалок бўлди, мансабдор ва унинг тансоқчиси яраланди.
Ҳодиса юзасидан текширув бошланди. Ҳозирча ҳеч бир гуруҳ мазкур теракт бўйича жавобгарликни зиммасига олмади.
Изоҳ (0)