Туркия парламенти ўлим жазосини қайтариш ҳақидаги масалани кўриб чиқиши лозим. Бу ҳақда мамлакат президенти Ражаб Тоййиб Эрдўғон 29 октябрь, шанба куни Анқарада бўлиб ўтган митингда маълум қилди, дея хабар беради «Корреспондент.net».
«Депутатлар мазкур қонун лойиҳасини қўллаб-қувватлайди, деган умиддаман. Мен эса ратификация қилишга тайёрман. Евроиттифоқ томонидан билдирилган танқидга эътибор бериш ниятим йўқ. Мен учун аҳамиятлиси халқ фикридир», — таъкидлади Эрдўғон.
Президент ҳукумат яқин орада қонун лойиҳасини парламентга тақдим этишини билдирди, бироқ аниқ муддатни айтиб ўтмади.
Маълумот учун, Туркияда ўлим жазоси 2004 йилда бекор қилинган.
Изоҳ (0)