АҚШ президентлигига Демократлар партиясидан номзод Ҳиллари Клинтоннинг рақиби Дональд Трампдан ўзиб кетиши бир ҳафта аввалги 12 фоиздан 2 фоизгача қисқарди. ABC телеканали 29 октябрь, шанба куни эълон қилган сўров натижалари шундан далолат бермоқда, дея маълум қилди «Интерфакс».
Washington Post газетаси билан ҳамкорликда ўтказилган сўровга кўра, ҳозирда Клинтон учун сайловчиларнинг 47, Трамп учун эса 45 фоизи овоз беришга тайёр.
Телеканал номзодлар ўртасидаги фарқнинг кескин камайишини сайловчилар кайфиятидаги ўзгариш эмас, уларнинг сайловга келиши бўйича тахминлар ўзгаргани билан изоҳлади. Аввалги сўровга қараганда сайловда қатнашишга қарор қилган республикачилар сони ошган, Клинтон тарафдорлари орасида бу борада сустлик кузатилган.
Изоҳ (0)