Erdo‘g‘on Turkiyada o‘lim jazosi haqidagi qonunni ratifikatsiya qilishga va’da berdi

Turkiya parlamenti o‘lim jazosini qaytarish haqidagi masalani ko‘rib chiqishi lozim. Bu haqda mamlakat prezidenti Rajab Toyyib Erdo‘g‘on 29-oktabr, shanba kuni Anqarada bo‘lib o‘tgan mitingda ma’lum qildi, deya xabar beradi “Korrespondent.net”.

“Deputatlar mazkur qonun loyihasini qo‘llab-quvvatlaydi, degan umiddaman. Men esa ratifikatsiya qilishga tayyorman. Yevroittifoq tomonidan bildirilgan tanqidga e’tibor berish niyatim yo‘q. Men uchun ahamiyatlisi xalq fikridir”, — ta’kidladi Erdo‘g‘on.

Prezident hukumat yaqin orada qonun loyihasini parlamentga taqdim etishini bildirdi, biroq aniq muddatni aytib o‘tmadi.

Ma’lumot uchun, Turkiyada o‘lim jazosi 2004-yilda bekor qilingan.