Кеча, 24 октябрь куни Жасур Абдураимов бошчилигидаги Ўзбекистон U-19 ёшлар терма жамоаси ёшлар ўртасидаги Осиё чемпионатининг чорак финалида Эронга (0:2) имкониятни бой бериб, Жаҳон чемпионати йўлланмасидан қуруқ қолди.
Баҳрайндаги мусобақа Ўзбекистон U-19 термаси учун Осиё чемпионатларидаги еттинчи иштирок этди. Ўзбекистон ёшлар термаси қитъа биринчиликларининг тўрттасида чорак финалдан муваффақиятли ўтиб, Жаҳон чемпионати йўлланмасига эга чиққан.
2002 йилда Қатарда ўтказилган Осиё чемпионатида Виктор Борисов бошчилигидаги ёшлар термаси чорак финалда Сурияни 4:0 ҳисобида таслим этиб, мундиал йўлланмасига эга бўлган илк Ўзбекистон жамоасига айланганди. Орадан олти йил ўтиб Аҳмад Убайдуллаев бошчилигидаги жамоа 1/4 финалда Хитойни пенальтилар сериясида мағлуб этиб, Жаҳон чемпионатига йўл олганди. Убайдуллаев шогирдлари Саудия Арабистонидаги Осиё чемпионатида финалгача етиб бориб, Ўзбекистон ёшлар термасининг қитъа биринчилигидаги энг яхши натижасини қайд этган.
2012 йилги Осиё чемпионатининг чорак финалида Ўзбекистон яна Сурияга қарши тўқнаш келганди. Аҳмад Мусаев шогирдлари пенальтилар сериясида арабларга ҳеч қандай имконият қолдирмаган. 2014 йилда Равшан Ҳайдаров бошчилигидаги Ўзбекистон ёшлар термаси ОЧнинг чорак финалида Таиланддан устун келганди.
Изоҳ (0)