Қатарда 2022 йилда бўлиб ўтадиган футбол бўйича жаҳон чемпионати учун қурилаётган стадионда ишчилардан бири оламдан ўтди. Бу ҳақда ЖЧ—2022 ташкилий қўмитаси матбуот хизмати маълум қилди, дея хабар беради «ТАСС».
Ҳодиса 22 октябрь, шанба куни машҳур меъмор Заха Ҳадид лойиҳаси асосида қурилаётган ал-Вакра шаҳридаги Al Wakrah Stadium стадионида рўй берди. Фожиага сабаб бўлган омилларни аниқлаш мақсадида тегишли идоралар билан ҳамкорликда текширув бошланди.
Олдинроқ турнир ташкилий қўмитаси юрак билан боғлиқ муаммолар туфайли уч нафар ишчи ўлганини хабар қилганди. Бироқ ОАВда ЖЧ—2022 объектлари қурилишида юзлаб киши ҳалок бўлгани ҳақидаги маълумотлар пайдо бўлди.
Изоҳ (0)