Билл Гейтс ва Марк Цукерберг шахмат бўйича жаҳон чемпионлиги учун ўйинга ташриф буюради

Microsoft асосчиси Билл Гейтс ва Facebook асосчиси Марк Цукерберг жаҳон чемпионлиги тожи учун ноябрь ойида Нью-Йоркда бўлиб ўтадиган шахмат учрашувига ташриф буюришга розилик билдирди. Бу ҳақда Халқаро шахмат федерацияси президенти Кирсан Илюмжинов маълум қилди, дея хабар бермоқда «ТАСС».

«Гейтс ва Цукерберг розилик билдирди, улар учрашувга келади. Бу очилиш партияси бўладими ёки ундан кейинги бирортаси — буни билмайман. Обама, Трамп ва Клинтоннинг жавобларини кутяпман. Ҳар ҳолда, улар ҳам ҳали рад жавобини берганича йўқ», — деди Илюмжинов.

Шахмат бўйича жаҳон чемпиони унвони учун россиялик Сергей Карякин ва норвегиялик Магнус Карлсен ўртасидаги учрашув 11—30 ноябрь кунлари Нью-Йоркда бўлиб ўтади. Учрашув 12 партиядан иборат бўлади.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.