Россия бош вазири инновацияларга бағишланган тадбир вақтида шошилинч эвакуация қилинди

Россия бош вазири Дмитрий Медведев иштирокида Сколковода ўтаётган «Очиқ инновациялар» форуми вақтида қисқа туташув натижасида юз берган қасир-қусур овозлари сабаб тадбир тўхтаб қолди. Бу ҳақда «Газета.ru» хабар бермоқда.

Муҳокамалар вақтида бошловчи «хавфсизлик нуқтаи назаридан иншоотни тарк этишга чақирди». Россия бош вазири ҳам ўз делегацияси билан бирга зални тарк этган.

Форум иштирокчилари Федерал қўриқлаш хизмати ташаббуси билан эвакуация қилинган. Анжуманлар залида куйинди ҳиди тарқалган.

Хавфсизлик хизмати ходимларининг маълум қилишича, зал устидаги гумбазда симлар тутаб кетган.

Анжуманда Медведевдан ташқари, Россия бош вазири ўринбосари Аркадий Дворкович, ҳукумат аъзолари ва бизнесменлар ҳам иштирок этаётган эди.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.