Венесуэла ОПЕК аъзоси бўлмаган давлатларга нефть қазиб олиш умумий ҳажмини суткасига 400—500 минг баррелга камайтиришни таклиф этди. Ушбу кўрсаткич картель қисқартириши мумкин бўлган ҳажмнинг ярмини ташкил этади. Бу ҳақда мамлакат нефть саноати вазири Эулохио дел Пино маълум қилди, дея хабар беради «ТАСС».
«Биз ОПЕКга кирмайдиган давлатларга бозорга суткасига 400—500 минг баррель нефтни етказиб бермасликни таклиф қилдик. Бу кўрсаткич ОПЕК бозорда камайтириши мумкин бўлган хом ашё ҳажмига тенг», — дея таъкидлади вазир.
Эрон нефть вазири Бижон Номдор Занганега кўра, ОПЕК ноябрда нефть қазиб олиш ҳажмини қисқартириш бўйича якуний таклифни тақдим этадиган мувофиқлаштирувчи қўмитани тузишни режалаштирмоқда. Шунингдек, мамлакатлар учун алоҳида квоталар белгиланиши лозим.
Изоҳ (0)