Каледаги «Жунгли» қочоқлар лагерида 26 октябрга ўтар кечаси ёнғин юз берди. «Корреспондент.net» хабарига кўра, қочоқлар гуруҳи бир неча бўш чодирни ёқиб юборган, ҳодиса натижасида ҳеч ким жабрланмаган.
«Биз улардан бундай қилмасликни сўрадик. Бироқ улар бизга қулоқ солмай, барибир бир неча чодирни ёқиб юборди. Ўт ўчирувчилар гуруҳи мунтазам шу ерда бўлиб турибди. Шу сабабли ҳам оловни тезда ўчиришга эришилди», — деди ҳудудий префект Фабиен Буче.
Фавқулодда ҳодисага қарамай, 24 октябрь, душанба куни бошланган қочоқлар лагерини кўчириш ишлари давом этмоқда. Ҳозиргача 4 минг муҳожир — лагердагиларнинг қарийб ярми «Жунгли»дан Франциянинг бошқа ҳудудларидаги муҳожирлар марказларига кўчирилди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)