Сенатнинг ташқи сиёсий масалалар бўйича қўмитаси раиси Содиқ Сафоев бошчилигидаги Ўзбекистон парламент делегацияси АҚШда бўлди. Бу ҳақда «Газета.uz» хабар бермоқда.
Ташриф дастури Конгресс аъзолари, Президент маъмурияти, Давлат департаменти, савдо вазирлиги, ишбилармонлик, академик ва эксперт доиралар, шунингдек, Халқаро валюта фонди ва Жаҳон банки вакиллари билан учрашувларни ўз ичига олди.
Ўзбекистоннинг АҚШдаги элчихонаси, Жонс Хопкинс университети қошидаги Марказий Осиё ва Кавказ институти билан биргаликда Атлантика кенгашида брифинг ва давра суҳбати ташкил этилди.
АҚШга ташрифга қадар Ўзбекистон делегацияси Лондонда бўлди. Бу ерда Буюк Британия парламенти, ТИВ раҳбарияти вакиллари, Ўзбекистон — Британия кенгаши аъзолари билан ва Оксфорд ислом тадқиқотлари марказида учрашувлар, туркум брифинг ва давра суҳбатлари ўтказилди.
Британиялик экспертлар расмий Тошкентнинг минтақадаги қўшни давлатлар билан алоқаларни яхшилаш борасидаги қадамларини ижобий баҳолади. Шунингдек, тадбиркорлик фаолиятини янада ривожлантириш, коррупцияга қарши курашга қаратилган қонун ва ташаббуслар қабул қилингани, бош вазирнинг виртуал қабулхонаси очилгани қўллаб-қувватланди.
Изоҳ (0)