БМТ ўзининг 2010—2015 йилларда Ўзбекистонга кўмак бериш бўйича ҳадли дастури (ЮНДАФ) доирасида турли лойиҳалар ва дастурларнинг амалга оширилиши учун мамлакатга 162 миллион доллардан зиёд миқдорда техник ёрдам тақдим этди. Бу ҳақда, БМТнинг Ўзбекистондаги доимий координатори ва БМТ Тараққиёт дастурининг Ўзбекистондаги доимий вакили Стефан Приснерга асосланиб, UzDaily хабар бермоқда.
Приснернинг қайд этишича, маблағлар кам таъминланган қатламларнинг иқтисодий хавфсизлиги ва бандлигини ошириш, соғлиқни сақлаш соҳасидаги таълим ва хизматлар сифатини янада яхшилаш, табиий ва маданий ресурслардан рационал фойдаланиш, адлия тизимига мурожаатларни соддалаштириш ҳамда қонун устуворлиги ва самарали бошқарувни тарғиб қилишга йўналтирилган.
2016 йилдан бошлаб Ўзбекистондаги БМТ тизими 2016—2020 йилларга мўлжалланган ЮНДАФ доирасида олти мавзули йўналишда икки йиллик режаларни амалга оширишга киришган. Мавзулар иқтисодий фаровонлик, ижтимоий муҳофаза, соғлиқни сақлаш, таълим, атроф муҳит ва самарали бошқарув кабиларни қамраб олган.
Мазкур дастурни қўллаб-қувватлаш учун сафарбар этиладиган жами ресурслар қиймати 144,94 миллион долларга баҳоланмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)