Senatning tashqi siyosiy masalalar bo‘yicha qo‘mitasi raisi Sodiq Safoyev boshchiligidagi O‘zbekiston parlament delegatsiyasi AQShda bo‘ldi. Bu haqda “Gazeta.uz” xabar bermoqda.
Tashrif dasturi Kongress a’zolari, Prezident ma’muriyati, Davlat departamenti, savdo vazirligi, ishbilarmonlik, akademik va ekspert doiralar, shuningdek, Xalqaro valyuta fondi va Jahon banki vakillari bilan uchrashuvlarni o‘z ichiga oldi.
O‘zbekistonning AQShdagi elchixonasi, Jons Xopkins universiteti qoshidagi Markaziy Osiyo va Kavkaz instituti bilan birgalikda Atlantika kengashida brifing va davra suhbati tashkil etildi.
AQShga tashrifga qadar O‘zbekiston delegatsiyasi Londonda bo‘ldi. Bu yerda Buyuk Britaniya parlamenti, TIV rahbariyati vakillari, O‘zbekiston — Britaniya kengashi a’zolari bilan va Oksford islom tadqiqotlari markazida uchrashuvlar, turkum brifing va davra suhbatlari o‘tkazildi.
Britaniyalik ekspertlar rasmiy Toshkentning mintaqadagi qo‘shni davlatlar bilan aloqalarni yaxshilash borasidagi qadamlarini ijobiy baholadi. Shuningdek, tadbirkorlik faoliyatini yanada rivojlantirish, korrupsiyaga qarshi kurashga qaratilgan qonun va tashabbuslar qabul qilingani, bosh vazirning virtual qabulxonasi ochilgani qo‘llab-quvvatlandi.
Izoh (0)