Ўзбекистон Қизил ярим ой жамиятида Ички ишлар вазирлигининг фавқулодда вазиятларда жабрланганларга биринчи тиббий ёрдам кўрсатиш бўйича ўқув курсини тамомлаган ходимларига сертификатлар топширилди. Тадбир Ўзбекистон Республикаси Ички ишлар вазирлиги ва Халқаро Қизил хоч қўмитаси томонидан ташкил этилди. Бу ҳақда ЎзА хабар бермоқда.
Ўзбекистон Республикаси Ички ишлар вазирлигининг инсон ҳуқуқларини ҳимоя қилиш ва юридик таъминлаш бошқармаси бошлиғи ўринбосари О. Жўрабоевга кўра, ички ишлар идораларининг ҳар бир ходими, қайси бўлимда хизмат қилаётгани ва олдига қўйилган вазифалардан қатъи назар, аҳоли ва ўз хизматдошларига биринчи тиббий ёрдам кўрсатишни билиши лозим.
Ҳар йили вазирлик ходимлари учун фавқулодда вазиятларда жабрланганларга биринчи тиббий ёрдам кўрсатиш бўйича ўқув курслари ташкил этилмоқда. Жорий йилда ушбу курсларни 50 нафар ходим тамомлади.
Тадбирда битирувчиларга фаолияти давомида керак бўладиган махсус адабиёт ва бошқа воситалар топширилди.
Изоҳ (0)