Ўзбекистон Президенти вазифасини бажарувчи Шавкат Мирзиёев 21 октябрь куни «2017—2021 йилларда қишлоқ жойларда янгиланган намунавий лойиҳалар бўйича арзон уй-жойлар қуриш дастури тўғрисида»ги қарорни имзолади. «Газета.uz» нашри қарор матнига асосланиб, янги қурилажак уйлар аввало нималарнинг ҳисобига арзон бўлишига ҳам аниқлик киритди.
«Қурилиш-монтаж ишлари сифатига қўйиладиган талабларнинг оширилиши Дастурнинг яна бир муҳим хусусияти ҳисобланади. Бунда барпо этиладиган намунавий уй-жойлар қиймати пасайиши қурилиш-пудрат ташкилотларининг асосий қурилиш материаллари ва буюмларга харажатларини оптималлаштириш ҳисобига таъминланади», — дейилади «Газета.uz» ахборотида.
«Бундан ташқари, уйларнинг арзонлигига Дастур иштирокчилари учун солиқ, божхона имтиёзлари ва бошқа имтиёзлар берилиши туфайли ҳам эришилади. Масалан, пудрат ташкилотлари арзон уйлар қуриш доирасида бажариладиган ишлар ҳажми учун солиқларнинг барча турларини ва давлат мақсадли жамғармаларига мажбурий ажратмаларни тўлашдан озод этилади», — деб ёзади «Газета.uz».
Шавкат Мирзиёев қишлоқ жойларда арзон уй-жойлар қуриш дастурини тасдиқлади
Ўзбекистон қишлоқларида қуриладиган арзон уйларнинг қиймати тахминан 75,5 млн сўмдан бошланади, энг қиммати 182 млн сўм бўлади
Ўзбекистон қишлоқларида қуриладиган энг арзон уйларнинг дастлабки бадали 15 фоизни ташкил этади
Изоҳ (0)