Барак Обама АҚШ президентлигига Республикачилар партиясидан номзод Дональд Трампни Twitter’да кўп вақтини ўтказиши учун танқид қилди. Бу ҳақда «Корреспондент.net» хабар бермоқда.
«Бизга ҳамма вақтини твитларга сарфлайдиган президент керак эмас. Трамп нима учун ушбу лавозимга тўғри келмаслигини тушунтириб ўтирмайман, чунки у ҳар гал гапирганида бунга ўзингиз ҳам амин бўлиб боряпсиз. Аввалги республикачи рақибларимиз — Жон Маккейн ҳам, Митт Ромни ҳам, Трампдан фарқли равишда, ҳурматга сазовор инсонлар эди», — дея таъкидлади Обама Калифорниядаги сайловолди митингидаги чиқиши чоғида.
Трампнинг Twitter’даги аккаунтига 12,7 миллион киши обуна бўлган, у салкам 34 минг твит ёзишга улгурди. Миллиардер кўпинча ижтимоий тармоқлар ёрдамида рақиблари билан баҳсга киришади ва аудиториясини даъват қилади.
Изоҳ (0)