«Норманд тўртлиги» президентлари ёрдамчиларининг Минскдаги учрашуви самарасиз якунланди

Минскда Украина бўйича «Норманд тўртлиги» мамлакатлари президент ёрдамчилари даражасида бўлиб ўтган учрашув иштирокчилари асосий масалалар бўйича муросага кела олмади, дея хабар бермоқда «Интерфакс» вазият билан таниш манбасига таяниб.

Унинг айтишича, «норманд тўртлиги» мамлакатлари президент ёрдамчиларидан ташқари, дастлабки маълумотларга кўра, учрашувлардан бирида АҚШ давлат котиби ёрдамчиси Виктория Нуланд қатнашган.

«Афсуски, томонлар позициялари яқин бўлиб чиқмади, барчани қаноатлантириши мумкин бўлган ягона механизмни ишлаб чиқиб бўлмади. Аммо бундай форматдаги учрашувлар келажакда давом эттирилиши мумкин», — деди манба.

Ушбу маълумот расман тасдиқланганича йўқ.