Лос-Анжелесдаги (АҚШ) ресторанлардан бирида 15 октябрь, шанба куни эрталаб юз берган отишмада 3 киши ҳалок бўлди, 12 киши жароҳатланди. Бу ҳақда «РБК» хабар бермоқда.
Маҳаллий полиция сержанти Фрэнк Пресиадога кўра, ҳодиса элликка яқин мижоз бўлган ресторанда юзага келган можаро туфайли рўй берди. Уч нафар эркак ресторандан чиқиб, қурол билан ортига қайтди ва бир гуруҳ одамларга қарата ўқ узди. Улар ҳам, ўз навбатида, бунга жавобан ўқ уза бошлади, натижада можаро қатнашчиларидан ташқари айрим меҳмонлар ҳам жабрланди.
Ярадорларнинг барчаси касалхоналарга етказилди. Улар орасида оғир ҳолатдагилар ҳам борлиги билдирилмоқда.
Изоҳ (0)