Ироқ ташқи ишлар вазирлиги Швейцарияда 15 октябрь, шанба куни бўлиб ўтадиган Сурия бўйича вазирлар учрашувидаги иштирокини тасдиқлади. Бу ҳақда «РБК» хабар бермоқда.
«Ташқи ишлар вазири Иброҳим ал-Жаъфарий Суриядаги тангликка бағишланган Лозаннадаги учрашувда иштирок этади», — дея маълум қилди Ироқ ТИВ расмий вакили Аҳмад Жамол.
Олдинроқ мазкур музокараларда Эрон ва Миср ташқи ишлар вазирлар Жавод Зариф ҳамда Самеҳ Шукрий ўз иштирокларини тасдиқлаганди.
Суриядаги можарони бартараф этиш кун тартибидаги асосий масала бўладиган Лозаннадаги учрашувда Россия ташқи ишлар вазири Сергей Лавров, АҚШ Давлат котиби Жон Керри, Туркия ташқи ишлар вазири Мевлют Чавушўғли, шунингдек, БМТ бош котибининг Сурия бўйича вакили Стаффан де Мистура қатнашмоқда.
Изоҳ (0)