АҚШ фикрича, КХДР янги ракета парвозлари ва Корея ярим оролидаги вазиятни янада кескинлаштирувчи бошқа қадамлардан тийилиши керак. Бу ҳақда АҚШ мудофаа вазирлиги Гэри Росс, Америка томони маълумотларига кўра, КХДР ўтказган янги ракета синовлари муносабати билан маълум қилди, деб ёзади «ТАСС».
Росснинг айтишича, Вашингтон Пхеньянни «минтақадаги кескинликни янада оширадиган ҳаракатлардан тийилишга» чақирди.
Пентагон вакили таъкидлаганидек, АҚШ КХДРдаги янги ракета синовини қоралайди ва ушбу масалани БМТ Хавфсизлик кенгашида кўриб чиқишга олиб чиқмоқчи. Ракеталар учириш КХДРга БМТ Хавфсизлик кенгашининг аввалги қарорлари билан бевосита тақиқланган.
Эслатиб ўтамиз, АҚШ ҳарбий қўмондонлиги 15 октябрь, шанба куни КХДРда ракета муваффақиятсиз учирилганлиги эҳтимоли ҳақидаги маълумотни қўлга киритди.
АҚШ Қуролли кучлари Стратегик қўмондонлиги баёнотида ракета Кусон шаҳри яқинида 14 октябрь, жума куни маҳаллий вақт бўйича кечга яқин учирилганлиги таъкидланади.
Изоҳ (0)