АҚШ президентлигига Демократик партиядан номзод Ҳиллари Клинтон америкалик сайловчилар ўртасида оммабоплик бўйича сайловолди кампаниядаги рақиби, Республикачилар партиясидан номзод Дональд Трампни ортда қолдиришда давом этмоқда, дея хабар берди «ТАСС» Fox News телеканали ўтказган янги умуммиллий сўров натижаларига таяниб.
10—12 октябрь кунлари йиғилган маълумотларга кўра, ноябрдаги сайловларда Клинтонга сўров иштирокчиларининг 45 фоизи, Трампга эса 38 фоизи овоз беришга тайёр. Шу тариқа, собиқ давлат котиби миллиардерни 7 фоизга ортда қолдирмоқда. Либертарианлар партиясидан номзод Гэри Жонсон 7%, «яшиллар» партиясидан номзод Жилл Стейн эса 3% овоз тўплади.
Нашр таъкидлашича, телеканал 3—6 октябрь кунлари ўтказган аввалги сўровда Клинтон ва Трамп ўртасидаги фарқ бор-йўғи 2 фоизни ташкил этган эди (тегишли равишда 44% ва 42%).
Изоҳ (0)