AQSh prezidentligiga Demokratik partiyadan nomzod Hillari Klinton amerikalik saylovchilar o‘rtasida ommaboplik bo‘yicha saylovoldi kampaniyadagi raqibi, Respublikachilar partiyasidan nomzod Donald Trampni ortda qoldirishda davom etmoqda, deya xabar berdi “TASS” Fox News telekanali o‘tkazgan yangi umummilliy so‘rov natijalariga tayanib.
10—12-oktabr kunlari yig‘ilgan ma’lumotlarga ko‘ra, noyabrdagi saylovlarda Klintonga so‘rov ishtirokchilarining 45 foizi, Trampga esa 38 foizi ovoz berishga tayyor. Shu tariqa, sobiq davlat kotibi milliarderni 7 foizga ortda qoldirmoqda. Libertarianlar partiyasidan nomzod Geri Jonson 7%, “yashillar” partiyasidan nomzod Jill Steyn esa 3% ovoz to‘pladi.
Nashr ta’kidlashicha, telekanal 3—6-oktabr kunlari o‘tkazgan avvalgi so‘rovda Klinton va Tramp o‘rtasidagi farq bor-yo‘g‘i 2 foizni tashkil etgan edi (tegishli ravishda 44% va 42%).
Izoh (0)