Сирт шаҳрида 14 октябрь, жума куни Ливия миллий бирдамлик ҳукумати тарафдори бўлган ҳарбийлардан камида 14 нафари ИШИД жангарилари билан қуролли тўқнашувлар чоғида ҳалок бўлди. Бу ҳақда «ТАСС» хабар бермоқда.
«Операция давомида 13 киши ҳалок бўлди, 25 дан 30 кишигача жароҳатланди. Улардан бири кейинчалик оламдан ўтди. Қурбонларнинг аксарияти мерганларга нишон бўлган ва боши ҳамда кўкрагидан ўқ еган», — дея таъкидлади Сирт касалхонаси раҳбари Абдуллатиф Абдул Али.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)